صعودك يا عراق

همام طه 

 

صعودك يا عراق ينطي البطولة معنى

تمثلنا يا عراق واحنا النمثلك كلنا

هذا الصعود

يكسر جمود

يخلي الحلم

ما له حدود

هذا الصعود

ينطي وقود

يخلي الأمل

لشعبي يعود

ولدك جنود

وتكسر قيود

وتهزم محن

تعبر سدود

بناتك ورود

وتوفي بوعود

گول وفعل

وگد العهود 

يا الله انهض يا وطن

يا الله استعد للقادم

إنت أحلى جائزة

إنت الكاس للعالم

كافح وانجح بالبناء

مو بس بميدان الكرة

إنت صاحب الإرادة

يا أبو الروح الصابرة

ثقتنا بيك عمرها ما خابت

جوهرك يلمع كالشمس ما غابت

هذا الوطن ثروة

أمجاده تُروى

نتعب له وفدوة

ويحلاله المغنى

مبارك صعود المنتخب

إن العمل هو الدرب

حان وقت الوفاء

والتضامن والإخاء

للوطن الولاء

خيمة ويجمعنا

عفية سووها الشباب

عفية يا عطر التراب

على الله متوكلين

حب ووفا شايلين

أسود الرافدين

هذولة وِلدنا