بين ثقل الازمات  وامل التغيير

ابتهال الشمري

العراق اليوم مو بس ازمة وحدة هو تراكم ازمات بكل مفاصل الحياة من الاقتصاد اللي يعاني من البطالة وغلاء المعيشة الى الخدمات اللي بعدها دون المستوى رغم كل السنين والوعود التعليم تراجع والصحة مرهونة بقدرة المواطن والسياسة بعد ما خرجت من دائرة المصالح الضيقة

المشكلة مو بقلة الموارد العراق بلد غني لكن الخلل بطريقة الادارة وغياب التخطيط الحقيقي المواطن صار بين ضغط المعيشة وخوف المستقبل ومع هذا بعده متمسك بالامل ينتظر تغيير حقيقي مو شعارات

الي نحتاجه اليوم مو بس حلول مؤقتة نحتاج رؤية واضحة عدالة ومحاسبة فعلية لكل مقصر لان بقاء الوضع مثل ما هو عليه يعني استمرار المعاناة لجيل ورا جيل

العراق يستاهل افضل من هذا والاصلاح لازم يبدي من قرار صادق يحط مصلحة البلد فوق كل اعتبار..